Prezidentning 03.12.2024 yildagi № 417 «Ishlab chiqaruvchilarni qo'llab-quvvatlash va ularga davlat xaridlarida keng imkoniyatlar yaratish bo'yicha qo'shimcha chora-tadbirlar to'g'risida».
2025 yil 1 yanvardan boshlab ishlab chiqaruvchilar uchun ochiq va shaffof Ekotizim joriy etiladi, unda quyidagilar nazarda tutilgan:
- ishlab chiqaruvchilar haqida hududlar va mahsulotlar bo'yicha sanoat xaritasini ishlab chiqish;
- davlat xaridorlari va ishlab chiqaruvchilar o'rtasida hamkorlik aloqalarini o'rnatish, oftake-shartnomalar tuzish imkoniyatlarini yaratish;
- «B2B» va «B2C» formatida «marketpleys» shaklida erkin savdo maydonini tashkil etish;
- davlat xaridorlarining Ekotizimga kiritilgan ishlab chiqaruvchilardan mahsulotlarni ustuvor ravishda xarid qilishlari, xalqaro moliyaviy institutlar va chet el hukumat moliyaviy tashkilotlari ishtirokidagi loyihalar doirasida xaridlar uchun alohida tartib belgilangan holda.
Iqtisodiyot va moliya vazirligi ishlab chiqaruvchilar Ekotizimini to'liq joriy etish va barqaror faoliyatini ta'minlash uchun javobgar tashkilot sifatida belgilangan.
Ishlab chiqaruvchilarning davlat xaridlarida ishtirokini yanada kengaytirish maqsadida «tadbirkorbay» tizimi joriy etilmoqda, bu esa «davlat xaridlari – biznesga yordam» printsipiga asoslangan.
Ishlab chiqaruvchilar maxsus davlat xaridlari axborot portalida ro'yxatdan o'tadilar, ularning takliflari barcha elektron davlat xaridlari tizimlarida bir vaqtning o'zida joylashtiriladi.
Elektron do'konda va boshlang'ich narxni pasaytirish bo'yicha o'tkaziladigan tenderlarda ishlab chiqaruvchilarga yetkazilgan mahsulotlar hajmiga teng ravishda to'lov amalga oshiriladi.
«yuqori» va «o'rta» barqarorlik reytingiga ega ishlab chiqaruvchilarga davlat xaridlarida ishtirok etish uchun 50% komissiya to'lovi bo'yicha chegirmalar beriladi – barcha elektron tizimlarda. Ular qo'shimcha depozit to'lashdan ozod qilinadi.
2025 yil 1 yanvardan boshlab respublika ijro etuvchi hokimiyat organlari va xo'jalik birlashmalari rahbarlari va ularning o'rinbosarlari faoliyatining kalit samaradorlik ko'rsatkichlari to'g'ridan-to'g'ri shartnomalar tuzish hajmini keskin qisqartirish va davlat xaridlarini amalga oshirishda importni kamaytirish kabi mezonlarga asoslanib belgilanishi belgilangan.
Bundan tashqari, davlat xaridlarida ishtirok etayotgan tadbirkorlik sub'yektlarining faoliyatini baholash uchun ball berish tizimi joriy etiladi, bu esa maxsus axborot portalida elektron axborot tizimlaridan olingan ma'lumotlarga asoslanib, inson faktoriisiz amalga oshiriladi.
Hujjat Milliy qonunlar bazasida e'lon qilindi va 04.12.2024 yildan kuchga kirdi.
Lola Abduazimova