2024-yil 5-dekabrda O'zbekiston Respublikasi Vazirlar Mahkamasining № 813 «Elektron bilaguzuk orqali masofadan nazorat qilish tartibi to'g'risidagi nizomni tasdiqlash haqida»
Nizom quyidagi munosabatlarni tartibga soladi:
- elektron bilaguzuk taqish belgilangan shaxslarning huquq va majburiyatlari;
- elektron bilaguzuk taqish tartibini buzganlik uchun javobgarlik;
- elektron bilaguzuk zarar ko'rgan yoki yo'qotilgan taqdirda moddiy zarar talab qilish tartibi.
Elektron bilaguzuk 2025-yil 1-yanvardan boshlab bosqichma-bosqich qo'llanila boshlanadi.
Elektron bilaguzuk, uy qamog'iga olingan yoki ozodlikni cheklovchi jazoga hukm qilingan shaxsning oyog'iga taqiladi. Agar bilaguzukni oyog'ida taqish mumkin bo'lmasa (suyak sinishi, boshqa jarohatlar bilan tibbiy muolaja va h.k.) uni qo'lga taqish mumkin.
Elektron bilaguzuk quyidagi shaxslarga tatbiq etilmaydi:
- 18 yoshga yetmagan shaxslarga;
- homilador ayollarga;
- 3 yoshgacha bolalari bo'lgan ayollarga;
- I yoki II guruh nogironlariga;
- tibbiy ko'rsatmalarga ko'ra elektron bilaguzuk taqish tavsiya etilmagan shaxslarga (kardioimplantlar, teri infektsiyalari bilan og'riganlar (allergik kontakt dermatiti, teri qo'ziqorinlari yoki qichish)).
Elektron bilaguzuk taqilgan shaxslar majbur:
- belgilangan vaqtda elektron bilaguzukni zaryadlash;
- o'z xohishiga ko'ra elektron bilaguzukni yechmaslik;
- elektron bilaguzukni shikastlash bilan bog'liq harakatlar qilmaslik.
Hujjat O'zbekiston Respublikasi qonunchilik milliy ma'lumotlar bazasida e'lon qilingan va 2024-yil 5-dekabrda kuchga kirgan.
Sobir Nurberdiev.