Joriy yilda 17 ta yirik savdo-turizm komplekslari ish boshladi, yaqin kelajakda ularnning soni yana 25 taga oshadi. Shuningdek, Bostanlikda $10 milliard byudjetga ega Sea Breeze yirik markazini qurish bo'yicha kelishuvga erishildi.
Shuningdek, mamlakatga Swissôtel, Sheraton, Ritz-Carlton, Novotel, Pullman, Marriott, ibis va Mercure kabi 23 ta xalqaro mehmonxona brendi kirib kelmoqda. Savdoni rivojlantirish uchun maxsus kompaniya tashkil etildi, eksportni moliyalashtirish uchun $350 million ajratildi. Bu tadbirkorlarga har bir $1 uchun $6 mahsulot eksport qilish imkonini berdi. Kelasi yilda ushbu maqsadlar uchun yana $300 million ajratish rejalashtirilmoqda.
Eslatib o'tamiz, azarbajonlik tadbirkor Emin Agalarov va boshqa bir qator yirik investitsiya kompaniyalari Sea Breeze Uzbekistan xalqaro turizm markazini qurishga tayyor ekanliklarini bildirdilar.